ՀՀ ՆԳՆ Կիբեռոստիկանությունը զգուշացնում է, որ վերջին շրջանում արձանագրվում են հեռախոսային խարդախության դեպքեր, երբ անհայտ անձինք, ներկայանալով իրավապահ մարմինների աշխատակիցներ, փորձում են քաղաքացիներին համոզել իրենց գումարները փոխանցել այլ հաշվեհամարների։
ՀՀ ՆԳՆ Կիբեռոստիկանությունը հորդորում է քաղաքացիներին․
📌 երբեք չփոխանցել գումարներ հեռախոսով ստացված որևէ պահանջի հիման վրա,
📌 նման զանգ ստանալու դեպքում անմիջապես կապ հաստատել ոստիկանության հետ և ճշտել տեղեկատվության հավաստիությունը,
📌 յուրաքանչյուր նման իրավիճակում ինքներդ ձեզ տալ պարզ հարց՝
ինչու պետք է իմ գումարը, անծանոթ անձի հեռախոսային պահանջով, փոխանցեմ այլ հաշվեհամարի։
Հիշեցնենք, որ իրավապահ մարմինները երբեք հեռախոսով չեն պահանջում գումարի փոխանցում։
Զգոն եղեք և պաշտպանեք ձեզ կիբեռխարդախությունից։
