Շիրակի մարզպետի աշխատակազմը տեղեկացնում է, որ WhatsApp հարթակում ստեղծվել է կեղծ օգտահաշիվ՝ Շիրակի մարզպետ Դավիթ Առուշանյանի անուն-ազգանունով, որից հաղորդագրություններ են ուղարկվում տարբեր քաղաքացիների և գործընկերների։
Մարզպետի աշխատակազմը հայտնում է, որ տվյալ օգտահաշիվը որևէ կապ չունի մարզպետի հետ, և նրա կողմից որևէ հաղորդագրություն չի ուղարկվել։
Քաղաքացիներին հորդորում են լինել առավել զգոն, չպատասխանել նման հաղորդագրություններին, չտրամադրել անձնական կամ ծառայողական որևէ տեղեկություն, այդ թվում՝ գաղտնաբառեր, կոդեր, բանկային տվյալներ, ինչպես նաև չկատարել փոխանցումներ կամ այլ գործողություններ նման պահանջների դեպքում։ Անհրաժեշտության դեպքում խորհուրդ է տրվում արգելափակել օգտահաշիվը և նշել այն որպես խարդախություն կամ սպամ։
Հիշեցնենք, որ WhatsApp հարթակում ստեղծվել է նաև Շիրակի մարզպետի տեղակալ Արտուշ Հովհաննիսյանի անունով կեղծ օգտահաշիվ, որից հաղորդագրություններ են ուղարկվում քաղաքացիներին և գործընկերներին։
Տվյալ օգտահաշիվը որևէ կապ չունի մարզպետի տեղակալի հետ, և նրա կողմից որևէ հաղորդագրություն չի ուղարկվել։ Քաղաքացիներին հորդորում են չպատասխանել նման հաղորդագրություններին, չտրամադրել անձնական որևէ տեղեկություն և չկատարել որևէ գործողություն նշված կեղծ օգտահաշվի միջոցով։
