Պաշտպանության նախարար Սուրեն Պապիկյանը լրագրողների հետ զրույցում հայտարարել է, որ իրականացված բարեփոխումների արդյունքում զինծառայողների համար ստեղծվել է 21–30 օր արձակուրդ ունենալու հնարավորություն։
Պապիկյանը նշեց, որ դա կբաշխվի համամասնորեն. «Եթե նախկին ծառայողների դեպքում 2 տարի ժամկետին էր վերաբերում, ապա այս տարի զորակոչվածների դեպում՝ 1.5։ Սահմանային ծառայություն տանող զինծառայողների համար կլինի 30 օր արձակուրդ, այսինքն՝ ամեն 6 ամիսը մեկ 10 օր զինծառայողը կկարողանա գնալ արձակուրդ, և 21 օր՝ այլ (թիկունքային) զորամասերի համար»։
Նախարարը նաև հավելեց, որ իրենց կատարած բարեփոխումների արդյունքում այնպես են արել, որ երդման արարողությունից հետո զինծառայողը կարող է ունենալ 2 օր արձակուրդ. «Ծնողը կարող է նույնիսկ չգալ զորամաս, զինծառայողը կստանա իր երկօրյա արձակուրդը, կգնա իրենց տուն, իր հարազատների հետ կվայելի դրանք և կվերադառնա հիմնական ծառայության՝ որպես լիիրավ զինծառայող»։
