ՀՅԴ անդամ, տնտեսագետ Արմեն Գրիգորյանն իր ֆեյբուքյան էջում գրում է.
«Հավանաբար լսել եք, որ տարատեսակ գործիչներ, վստահաբար տարբեր շարժառիթներով անընդհատ խոսում են ընդդիմադիր պատգամավորների մանդատները վայր դնելու մասին: Միանգամից ասեմ, որ վստահ եմ, երբ այդ պահը գա ԱԺ երկու ընդդիմադիր խմբակցությունները միաժամանակ կհրաժարվեն մանդատներից: Բայց այդ հրաժարումը նույնպես պետք է ծառայի այս իշխանությունների հեռացմանը: Կարծում եմ մանդատներից հրաժարվելու պահը չի հասունացել, չեմ ասի, որ հասունացման ճանապարհին չի կամ չեն հասունացնում հենց ընդդիմադիր պատգամավորները, այնպես որ լրացուցիչ ասելու կարիքը չկա: Իսկ ի՞նչ կտա մանդատներից հրաժարվելը, փորձենք հասկանալ, թե արդյո՞ք հիմք ունի այս պահանջը, թե՞ կեղծ օրակարգ է:
Մանդատներից հրաժարվելով.
1. Սահմանադրական ճգնաժամ չի առաջանում և ԱԺ-ն կարող է գործել մինչև իր սահմանված ժամկետի ավարտը մեկ քաղաքական ուժով և Ազգային Ժողովը կկոչվի Կենտկոմի ժողով:
2. Իշխանությունները կունենան լայն հնարավորություններ թիրախավորել ընդդիմադիր քաղաքական ուժերին, մեղադրել փախուստի մեջ և մնալ առանց պատշաճ պատասխանի:
3. Ընդդիմադիր դաշտում ներկայացող, բայց մանդատներից հրաժարվելու թեման առաջ տանող անձինք և ուժերը նույնպես կմիանան իշխանական անհիմն թեզերին և կփորձեն պայքարել, ոչ թե իշխանության համար, այլ ընդդիմություն դառնալու համար՝ թիրախավորելով մանդատից հրաժարված քաղաքական ուժերին:
4. Քաղաքական ճգնաժամ նույնպես չի առաջանա, քանի որ նման ճգնաժամ առաջանում է երբ կա քաղաքական, բարոյական պատասխանատվություն: Բազմաթիվ են օրինակները, երբ առկա էր քաղաքական ճգնաժամ առաջանալու համար բավարար իրավիճակներ, բայց ՀՀ-ն ընկել է քաղաքականապես անպատասխանատու խմբակի ձեռքը:
5. Հաջորդ արտահերթ կամ հերթական ընտրություններին, կամ որևէ տեսակի ՏԻՄ, համապետական ընտրությունների կամ հանրաքվեի կազմակերպմանը ընդդիմադիրներ չեն ունենա տեղական ընտրատարածքային հանձնաժողովական:
6. Եթե կա պնդում, որ ՀՀ-ում ներքաղաքական ազդեցությունների վրա չունեն բավարար լծակներ, ապա դրսում պատվիրակությունների կազմերում, տարատեսակ կարևոր հարթակները ամբողջությամբ կնվիրվեն իշխանություններին:
7. Հնարավորություն կտան իշխանություններին ավելացնելու քաղաքական բանտարկյալների թվաքանակը, քանի որ, վստահ եմ, կգնան բռնաճնշումների և կկալանավորեն նրանցից շատերին: Սրա մասին չեն խոսում ընդդիմադիր պատգամավորները, որպեսզի չասեն, թե իբր մանդատները պահպանում են, իրենց անձնական կարիքների համար, բայց ես կարող են պնդել, որ հենց թեկուզ այս կետի համար չպետք է հրաժարվել: Դեռ մի բան էլ ավելի, հնարավորություն ունեն այցելելու տարբեր քաղաքական ակցիաների ժամանակ բերման ենթարկված, ձերբակալված և/կամ կալանավորված անմեղ մարդկանց:
Եվ վերջապես, ինչու՞ չեք պահանջում ՔՊ պատգամավորներից մանդատները վայր դնել, մի տեսակ աննորմալ երևույթ է, երբ հանդես եք գալիս ընդդիմադիր հայացքների դիրքերից, բայց թիրախը ընդդիմադիրներն են:
Ով ով գոնե դու` Էդմոն սուս»:
