Նաիրի Հոխիկյանը Telegram-ի իր ալիքում գրել է.
«Երկրի խնդիրների համար ընդդիմադիրները մեղադրում են ժողովրդին, թե հանդուրժում է Նիկոլին, դրա համար է այդպես։ Երկրի խնդիրների համար իշխանություն էլ մատնացույց է անում, կրկին մեղադրում է ժողովրդին, թե ամեն ինչ նրա կամքով է լինում, դրա համար լռում է, իսկ արդյունքում տուժում է միայն ժողովուրդը, իր զավակներին զոհում է միայն ժողովուրդը, սոված նստում է միայն ժողովուրդը, տնից զրկվում է միայն ժողովուրդը։ Ու այս ամենի մեջ անընդհատ հայտնվում են մարդիկ, որոնք ժողովրդին պիտակներ են կպցնում, թե այսպես ու այնպես։ Ու տպավորություն է, թե այդ մեղադրողները ժողովրդի մասը չեն, այլ ժողովրդից, ազգից, միգուցե Հայրենիքից վերև կանգնած սրբեր են։ Հիշեք, ժողովուրդը, ազգը հավաքականության մեջ հանճարեղ են ու ամեն ինչ շատ լավ են զգում ու տեսնում, հետևաբար եթե ժողովուրդը հիասթափվել է բոլորից, նշանակում է՝ հրաբխի նման իր ներսում մեծ էներգիա է կուտակում՝ ժայթքելու համար։ Իսկ ժայթքելու ժամանակ ժողովրդի զայրույթի լավայի ու մոխրի տակ կմնան բոլոր նրանք, ովքեր իրենց ժողովրդից վեր են դասում։ Ժողովրդի մաս եղեք, ժողովրդի զավակ եղեք։ Սիրեք հարազատ ժողովրդին»:
