Գագիկ Ծառուկյանի նկատմամբ նոր հանրային քրեական հետապնդում է հարուցվել՝ հարկերից խուսափելու հոդվածով։
Այս մասին ավելի քան 12 ժամ տևած հարցաքննությունից հետո հայտնել է նրա պաշտպան Էմին Խաչատրյանը։
Պաշտպանի խոսքով՝ վարույթը կապված է Երևանի «Արարատ» կոնյակի-գինու-օղու կոմբինատի հետ։ Նա նոր քրեական հետապնդումը «զավեշտալի» է որակել և հայտարարել, որ դա քաղաքական հետապնդում ու ճնշում է։
Խաչատրյանը նշել է նաև, որ այսօր տեղի ունեցած առերեսման ընթացքում իրանցի եղբայրների՝ նախկինում տված ցուցմունքների և այսօրվա հայտարարությունների միջև հակասություններ են եղել։
