Նախկին նախագահ Դոնալդ Թրամփի բաժնետոմսերը իր Truth Social սոցիալական ցանցում նվազել են 900 միլիոն դոլարով այն բանից հետո, երբ հուլիսի 21-ին փոխնախագահ Քամալա Հարիսը գործնականում սկսել է իր նախընտրական քարոզարշավը, հայտնում է CNN-ը։
Truth Social-ի սեփականատեր Trump Media & Technology Group-ի բաժնետոմսերի արժեքը նվազել է մոտ 23%-ով այն բանից հետո, երբ նախագահ Ջո Բայդենը հայտարարեց, որ չի հավակնելու երկրորդ ժամկետին և աջակցելու է Հարիսի ընտրությանը:
Մինչև անկումը Թրամփի բաժնետոմսերի մեծամասնությունը ընկերությունում կազմում էր 4 միլիարդ դոլարից մի փոքր ավելի, սակայն այժմ այն նվազել է մինչև 3,1 միլիարդ դոլար:
Բաժնետոմսերի գինն ավելի է խարխլվել հինգշաբթի՝ օգոստոսի 1-ին դրանց վաճառքի պատճառով, սոցհարցումների ֆոնին, որոնք ցույց են տվել ԱՄՆ նախկին նախագահի՝ 2024 թվականի նոյեմբերի ընտրություններում հաղթելու հնարավորությունների նվազում:
Սա Truth Social-ի միակ խնդիրը չէ. հունիսին հարթակի եզակի այցելուների թիվը նախորդ տարվա նույն ժամանակահատվածի համեմատ նվազել է 38%-ով:
Bloomberg-ը գնահատում է, որ Թրամփի կարողությունը մինչև բաժնետոմսերի անկումը կազմում էր 5,9 միլիարդ դոլար:
