Արտահերթ խորհրդարանական ընտրությունների գաղափար օրակարգում չկա: Այսօր հրավիրված ասուլիսում հայտարարեց Բագրատ Սրբազանը, սակայն ընդգծեց, որ հետագայում, դա կարող է դառնալ քաղաքական որոշում: «Մենք խորհրդակցություններ կանցկացնենք և քննարկենք այդ հարցը: Ես հիմա այդ մասին չեմ կարող խոսել»:
Սրբազանն հավելեց նաև, որ «Տավուշը հանուն հայրենիքի» շարժման դեմ իրականացվող հակաքարոզչության մեջ ներգրավված է «Վիվառո» ընկերությունը (հիմնականում զբաղվում են բուքմեյքերական գործունեությամբ – խմբ.)։
ՀՀ իշխանությանը նա անվանեց «արյունատենչ փոքրիկ մի խումբ, որը հանուն իր աթոռի և փողի պատրաստ է ցանկացած քայլի», և նրա պնդմամբ` հունիսի 12-ին Բաղրամյան պողոտայում տեղի ունեցած բախումները դրա ապացույցն էին։
Նշենք, որ «Վիվառո» ընկերության սեփականատեր Վիգեն Բադալյանը սերտ կապեր ունի ՀՀ իշխանությունների հետ։
Հիշեցնենք, որ «Տավուշը հանուն հայրենիքի» շարժումը վերադասավորվում է, բայց հավաքները շարունակվելու են։ Սրբազանն արդեն հայտնել է, որ այն ավելի մասշտաբային կլինի։
