ՀՀ վարչապետ Նիկոլ Փաշինյանն իր ինստագրամյան էջում լուսանկար է հրապարակել՝ մի խումբ քաղաքացիների հետ, վաղ առավոտյան կայացած հերթական հեծանվային զբոսանքից։
Հրապարակմանը կից Փաշինյանը գրել է․ «Այսօր տեղի ունեցավ մեր երկրորդ հեծանվային զբոսանքը Երևանում՝ 15 կմ: Հեծանիվը համերաշխություն է, հեծանիվը ներշնչանք է, հեծանիվը հաճույք է։ Կեցցե’ հեծանիվը։ Բոլոր նրանք, ովքեր ուզում են միանալ մեր հեծանվային ակումբին, թող իրենց անուն ազգանունը, հեռախոսի համարը և հեծանիվի հետ իրենց լուսանկարն ուղարկեն nikolpashinyan@gmail.com էլ . հասցեով»։
Հիշեցնենք, որ օրեր առաջ Փաշինյանը կրկին վաղ առավոտյան հեծանվային զբոսանք էր անցկացրել քաղաքացիների հետ՝ սոցցանցերի իր էջերում տեղադրելով տեսանյութ ու լուսանկար։
