Միացյալ Նահանգներն Իսրայելի հարվածը Բեյրութի արվարձանին, որի հետևանքով զոհվել է «Հըզբոլլահ»-ի ռազմական առաջնորդ Ֆուադ Շոկրը, որակել է «համաչափ և ստանդարտ» պատասխան «Հըզբոլլահ»-ի կողմից Գոլանի բարձունքների գնդակոծմանը։ Դրա մասին գրում է Politico պարբերականը՝ վկայակոչելով երկու ամերիկացի պաշտոնյաների։
Politico պարբերականի զրուցակիցները նշել են, որ դեռ պարզ չէ, թե «Հըզբոլլահ»-ը հատկապես ինչպես կարձագանքի Շոկրի մահվանը։ Սակայն, նրանց կարծիքով, իսրայելական հարվածը Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի նստավայրին կհանգեցնի ավելի լուրջ հետևանքների և կբարդացնի տարածաշրջանում իրավիճակի կարգավորման շուրջ ջանքերը։
Հուլիսի 30-ին Իսրայելի ռազմաօդային ուժերի կործանիչները չորս հրթիռ են արձակել Բեյրութի հարավային Դահիա արվարձանի ուղղությամբ, որը ծառայում է որպես «Հըզբոլլահ»-ի հենակետ: Այն թաղամասում, որտեղ ընկել են հրթիռները, ավերվել է քառահարկ շենք, վնասվել են հարևան շենքերն ու կայանված մեքենաները։ Երեքը զոհվել են, նրանց թվում՝ չորս և վեց տարեկան երկու երեխաներ, զոհերի թիվը հասցնելով 74-ի։ Հարձակման նպատակն էր ոչնչացնել «Հըզբոլլահ»-ի ռազմական առաջնորդ Ֆուադ Շոկրին, որը ղեկավարում էր նրա օպերատիվ շտաբը։ Ըստ Al Hadath հեռուստաալիքի՝ ստացած վնասվածքների հետևանքով Ֆուադ Շոկրին հիվանդանոցում մահացել է։
Իսրայելը համարում է, որ Ֆուադ Շոկրն ուղղակիորեն պատասխանատու է հուլիսի 27-ին Իսրայելի կողմից վերահսկվող Գոլանի բարձունքներում գտնվող դրուզական Մաջդալ Շամս գյուղին հասցված հարվածի համար: Հրթիռներից մեկը, որն արձակվել է, ըստ զինվորականների, Լիբանանի հարավից, պայթել է Մաջդալ Շամսի ֆուտբոլի դաշտում, ինչի հետևանքով զոհվել է 12 երեխա, ևս 30-ը վիրավորվել են։ Իսրայելի իշխանությունները կատարվածի համար մեղադրել են Լիբանանին և «Հըզբոլլահին»՝ խոստանալով կոշտ արձագանք։ Շիա շարժումն ավելի վաղ հերքել էր իր առնչությունը հրթիռակոծմանը:
