Մոսկվայի մարզում ՀՕՊ և ՌԷՊ ուժերը հետ են մղել 60 անօդաչու թռչող սարքերի հարձակումը: Մոսկվայի մարզի նահանգապետ Անդրեյ Վորոբյովի խոսքով՝ հարձակման հետևանքով զոհվել է մեկ նորածին։
Եգորևսկում անօդաչու թռչող սարքի անկումից հետո հրդեհ է բռնկվել մասնավոր տանը: Երկու մեծահասակ և երկու երեխա մնացել են փլատակների տակ, և փրկարարները նրանց դուրս են բերել։
«Ցավոք, վեց ամսական երեխան մահացել է հիվանդանոց տեղափոխվելու ճանապարհին», — ասել է Վորոբյովը: Մնացած տուժածները հոսպիտալացվել են, և բժիշկները նրանց անհրաժեշտ օգնություն են ցուցաբերում։
Նահանգապետի խոսքով՝ անօդաչու թռչող սարքերը հետ են մղվել Դոմոդեդովոյում, Չեխովում, Դուբնայում, Կաշիրայում, Վոսկրեսենսկում, Պավլովսկի Պոսադում, Օդինցովոյում, Բրոննիցիում, Ռամենսկոյեում, Ստուպինոյում, Կոլոմնայում և Եգորևսկում: Դուբնայում բեկորները վնասել են վարչական շենքը. վիրավորներ չկան: Մեկ այլ անօդաչու թռչող սարք է անկել Պավլովսկի Պոսադի շրջանի Ֆատեևո գյուղի մասնավոր տան վրա, իսկ բեկորներ հայտնաբերվել են նաև Ռամենսկի քաղաքային շրջանում և Կոլոմնայում: Արտակարգ իրավիճակների ծառայությունները աշխատում են տեղում։