ԱՄՆ պետքարտուղար Մարկո Ռուբիոն, ենթադրաբար, կհրաժարվի պաշտոնից՝ 2028 թվականին նախագահի պաշտոնում առաջադրվելու համար, հաղորդում է Independent-ը՝ հղում անելով ԱՄՆ-ի և Մեծ Բրիտանիայի բարձրաստիճան աղբյուրներին։
«ԱՄՆ պետքարտուղար… պատրաստվում է 2028 թվականի նոյեմբերին Հանրապետական կուսակցությունից թեկնածու առաջադրվելու մրցավազքին, նրա գլխավոր մրցակիցը համարվում է փոխնախագահ Ջեյ դի Վենսը», — հաղորդում է հրատարակությունը։
Ինչպես նշում է թերթը, միջանկյալ ընտրությունների արդյունքներից առաջ, որոնց արդյունքում Հանրապետական կուսակցությունը կորցրեց Կոնգրեսի երկու պալատների նկատմամբ վերահսկողությունը, ԱՄՆ-ի և Մեծ Բրիտանիայի բարձրաստիճան աղբյուրները հրատարակությանը հայտնել են, որ Ռուբիոն կարող է հրաժարական տալ վարչակազմում իր պաշտոնից։ Այժմ, ընտրություններից հետո, թերթի աղբյուրներն ավելի վստահ են դրանում, նշում է թերթը։
Նոյեմբերի 3-ին ԱՄՆ-ում տեղի ունեցան միջանկյալ Կոնգրեսի ընտրություններ, որոնց արդյունքում դեմոկրատները վերահսկողություն ձեռք բերեցին Կոնգրեսի երկու պալատների նկատմամբ։ Նոր Կոնգրեսը պաշտոնը կստանձնի 2027 թվականի հունվարին։
