Հայաստանը կիսում է ԵՄ արժեքներն ու ցանկանում է Եվրամիության մաս լինել, Rus.LSM-ին ասել է ՀՀ Ազգային ժողովի նախագահ Ալեն Սիմոնյանը։
«Ուստի, մեզ աջակցություն է պետք ԵՄ ընտանիքի լիիրավ անդամ դառնալու համար»,- նշել է Սիմոնյանը։
Նա հայտարարել է, որ օրեր առաջ Հայաստանի խորհրդարանում քննարկվում էր Հայաստանի՝ ԵՄ անդամ դառնալու շուրջ հանրաքվե անցկացնելու մասին հարցը։
«Կարծում եմ, որ մոտ ապագայում մենք կունենանք այս հանրաքվեն, և վստահ եմ, որ մեր ժողովուրդը կասի այո»,- ասել է Ալեն Սիմոնյանը։
