«ԴՕԿ կուսակցության լրատվական» ֆեյսբուքյան էջը հրապարակել է կուսակցության հիմնադիր Վարդան Ղուկասյանի հայտարարությունը․
«Հարգելի ժողովորդ, ցանկանում եմ հայտարարել, որ ուշի-ուշով հետևում եմ Հայաստանում ընթացող քաղաքական պրոցեսներին։
Նախ ուզում եմ շնորհավորել Փարաքարի նորընտիր համայնքապետին փայլուն հաղթանակի կապակցությամբ՝ իմ և իմ կուսակցության անունից։
Իսկ Գյումրիի մասով պահանջում եմ, որպեսզի իրենց ընդդիմություն հայտարարած կուսակցությունները կամ անձինք, Վարդանիգը, Մարտունիգը և Ռուբենիգը միավորվեն և Սարիգը հանկարծ չդառնա քաղաքապետ։
Վանեցյան քեզ եմ ասում՝ միավորումը տեղի չունեցավ, գնում ենք Թոխմախ։
Իմ անազատությունը հավերժ չէ՛։
Ի շնորհիվ այս իրավիճակի, մենք իրականացրեցինք հերթական ֆիլտրացիան և ճանաչեցինք իրական մեր ընկերներին և թշնամիներին։ Չկա չարիք առանց բարիք։ Նիկոլը կրկնեց Վովայի սխալը, չհասկանալով, որ բերդ քցելը հարցի ամենավատ լուծումն էր։
Սիրում եմ բոլորիդ, կհանդիպենք շուտով։
Իշխանության թիվ մեկ թշնամի՝ Վարդան Ղուկասյան»։
