Ուկրաինայի անդամակցությունը ՆԱՏՕ-ին անշրջելի գործընթաց է։ Սակայն պետք չէ այն կապել ռուս-ուկրաինական պատերազմում հնարավոր խաղաղության համաձայնագրի հետ։ Ինչպես հաղորդում է РБК-Ուկրաինան, այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն։
Գլխավոր քարտուղարը հավաստիացրել է, որ Ուկրաինայի անդամակցությունը ՆԱՏՕ-ին մնում է դաշինքի օրակարգում՝ չնայած բոլոր քննարկումներին: «Այո, բացարձակապես։ Այսպիսին էր Վաշինգտոնի գագաթնաժողովի արդյունքը. Ուկրաինայի ուղին դեպի ՆԱՏՕ անշրջելի է։ Եվ ոչինչ չի փոխվել»։
Պատասխանելով ԱՄՆ նախագահ Դոնալդ Թրամփի այն խոսքերին, թե ՆԱՏՕ-ին Ուկրաինայի անդամակցության հարցը փակված է, Ռյուտեն կրկնել է. «Ուկրաինայի ուղին անշրջելի է»։
Պաշտոնյան առաջին անգամ չէ, որ ընդգծել է, որ Ուկրաինայում խաղաղության հասնելու բանակցությունները պետք չէ կապել դաշինքին նրա անդամակցության հետ։ «Երբ մենք ասում էինք, որ Ուկրաինան մի օր կդառնա ՆԱՏՕ-ի անդամ, մենք չէինք խոստանում, որ դա կլինի խաղաղության համաձայնագրի մի մասը»,-ընդգծել է Ռյուտեն:
