«Հրապարակ» թերթը գրում է. «Մինչ ընդդիմադիր դաշտում ծանրութեթև են անում Եկեղեցու դեմ գրոհին հակազդելու հարցը, ավելի ճիշտ` սպասում են Վեհափառի կոչին և չեն ուզում ռիսկի գնալ ու պայքարն առաջնորդելու կոչեր հնչեցնել, միայն հարցազրույցներ են տալիս, թե Եկեղեցու դեմ պատերազմը պետության լուծարման է հանգեցնելու, իսկ Փաշինյանը կազմակերպչական աշխատանք է տանում:
Նա հաշվում է, որ կան ՔՊ-ականներ, պետական ծառայողներ, զոմբիներ, որոնք իր կոչով կգան Էջմիածին, բայց սրանք բավարար չեն, նախատեսում են ուժայինների մի մասին էլ քաղաքացիական համազգեստով բերել և ներգրավել որոշ կրոնական փոքրամասնությունների ներկայացուցիչներին՝ հատկապես Եհովայի վկաներին, որոնք Երևանում արդեն քանի օր է՝ մեծ կոնգրես են անում, որին մասնակցում են աշխարհի տարբեր երկրներից ժամանած Եհովայի վկաներ։
Մեր աղբյուրներն ասում են, որ, ի տարբերություն հայաստանյան մեկ այլ կրոնական կազմակերպության՝ «Կյանքի խոսքի», «Եհովայի վկաները» դեմ չեն Եկեղեցու դեմ արշավանքին մասնակցելուն։ Գուցե պատահական չէ, որ հենց այս օրերին են նրանք հավաքվել Հայաստանում»։