MakaryanNews-ի տեղեկություններով` այսօր Չարենցավանում հերթական վիճաբանությունն է տեղի ունեցել մի խումբ երիտասարդների միջև, որն ավարտվել է ողբերգությամբ:
MakaryanNews-ը տեղեկացել է, որ Վիճաբանության մասնակից մի խումբ երիտասարդներ սուր կտրող-ծակող առարկաներով, այդ թվում` ժամփուրով, հարձակվել են միմյանց վրա, որի հետևանքով մի քանի հոգի տեղափոխվել է «Չարենցավան» ԲԿ: Նրանցից մեկը, սակայն, դեռ վիրահատարան չհասած` մահացել է, իսկ մյուսը վիրավոր է` ոչ ծանր վնասվածքներով:
MakaryanNews-ը տեղեկացել է նաև, որ վիրավորը Չարենցավանում քրեական պատմություններով հայտնի, դեռ 2023 թվականին քրեական ենթամշակույթ կրող խմբավորում ստեղծելու և առանձնապես խոշոր չափերով շորթում կատարելու մեղադրանքով կալանավորված «Տարզան» մականունով Արմեն Խալաթյանի որդին է:
Տարզանը, ի դեպ, մինչև վերջերս տնային կալանքի մեջ էր գտնվում:
ՆԳՆ-ից հաստատել են MakaryanNews-ի մեր տեղեկությունը, որ երկու անձ կտրած-ծակած վնասվածքներով տեղափոխվել են բժշկական կենտրոն, որտեղ նրանից մեկը գիտակցության չգալով մահացել է։ Ձեռնարկվում են միջոցառումներ դեպքի բոլոր հանգամանքները բացահայտելու ուղղությամբ։