ԴՕԿ կուսակցության այսօրվա համագումարում որոշվել է, որ առաջիկա խորհրդարանական ընտրություններում ԴՕԿ դաշինքի վարչապետի թեկնածուն «Դոգ» մականունով հայտնի, այժմ ամերիկյան բանտում գտնվող Վարդան Ղուկասյանն է: Հայտնում է «Ազատությունը»։
Վերջինս Հենդերսոնի բանտից կուսակիցներին ուղղված ձայնային ուղերձում պնդել է, որ ԴՕԿ-ը գնում է ընտրություններին իր գլխավորությամբ:
«Լոկոմոտիվը ես եմ», — հայտարարել է Ղուկասյանը, հույս հայտնելով, որ առաջիկայում դուրս կգա բանտից:
«Այս բանտում մարդիկ խելագարվում են», — կուսակիցներին փոխանցել է Վարդան Ղուկասյանը՝ պնդելով, թե «շունն անգամ չէր դիմանա այդ պայմաններին»:
Ի դեպ, Վարդան Ղուկասյանը ցանկություն է հայտնել ԱՄՆ -ից տեղափոխվել Ռուսաստանի Դաշնություն:
