Սննդամթերքի անվտանգության տեսչական մարմնի ղեկավարի որոշմամբ՝ կասեցվել է «Պիրաժոկ» ՍՊ ընկերությանը պատկանող հանրային սննդի օբյեկտի արտադրական գործունեությունը (Լոռու մարզ, ք․ Վանաձոր, Մարշալ Բաղրամյան 63/1): Այս մասին հայտնում են ՍԱՏՄ-ից:
Կասեցման համար հիմք են հանդիսացել վերահսկողության ընթացքում հայտնաբերված խախտումները, ի մասնավորի՝
— խոհանոցի պատերը չեն ունեցել հարթ մակերես, չեն պահվել նորոգ վիճակում,
— սննդամթերքի հետ անմիջական շփման մեջ գտնվող սարքավորումների մակերևույթները չեն եղել նորոգ վիճակում, պատրաստված հեշտությամբ մաքրվող և ախտահանվող նյութերից,
— սառնարանը չի պահվել նորոգ և բարվոք վիճակում, դարակաշարերը ենթարկված են եղել քայքայամաշման (կոռոզիայի),
— սանհանգույցի դուռը բացվել է անմիջապես դեպի խոհանոց,
— չի եղել հանդերձարան անձնակազմի համար:
Ընկերության տնօրենին հանձնարարվել է ձեռնարկել անհրաժեշտ միջոցներ և սննդի կառույցը համապատասխանեցնել իրավական ակտերով պահանջվող նորմերին, սահմանվել է վերջնաժամկետ:
