Ադրբեջանում կկարգավորվի Sputnik Azerbaijan և BBC News Azərbaycanca-ի խմբագրությունների աշխատանքը՝ հինգշաբթի Trend-ին հայտնել է իրազեկ աղբյուրը։
«Որոշումն ընդունվել է արտերկրում ադրբեջանական պետական պարբերականների և մեր երկրում գործող օտարերկրյա լրագրողների հավասարակշռությունը վերականգնելու նպատակով: Բաքվում Sputnik-Ադրբեջանի լրագրողների թիվը հավասարվելու է Ռուսաստանում գործող Ազերթաջ պետական գործակալության լրագրողների թվին, այսինքն՝ կկրճատվի մինչև 1 թղթակից։
Նույն մոտեցումը կկիրառվի նաև BBC Azərbaycanca-ի նկատմամբ՝ հավելել է աղբյուրը։
Ադրբեջանական Turan անկախ լրատվական գործակալությունն էլ հայտնել է, որ դադարեցնում է իր ներկա ձևաչափով գործունեությունը՝ տարիներ շարունակ առկա ֆինանսական դժվարությունների պատճառով։
