Ադրբեջանը ցնծության մեջ է, ՀՀ կառավարությունն՝ անհաղորդ. «Հրապարակ»

Զանգեզուրի պղնձամոլիբդենային կոմբինատը 6 օր է՝ չի աշխատում, գործադուլի պատճառով: Ադրբեջանական մամուլում ցնծություն է․ «Զանգեզուրյան ցնցում», «Շատ լավ է, թող չաշխատեն»: Սյունիքում խոսում են, որ գործադուլի հետեւում ֆինանսական շահեր կան՝ մարդիկ, որոնք զրկվել են տենդերներից, սակայն լավատեղյակ աղբյուրն այլ բացատրություն տվեց․ վերջին շրջանում շատ են խոսում, որ ԶՊՄԿ-ի մեկ տարվա եկամուտը 800 միլիոն դոլար է, պետական շահաբաժինը՝ 80 միլիոն, 2023-ին բաժնետերերի մաքուր եկամուտը՝ 380 միլիոն դոլար, եւ շարքային աշխատողները մտածել են, որ կարող են աշխատավարձի բարձրացում պահանջել: Ի դեպ, 6 օրվա ընթացքում ՀՀ կառավարությունից ոչ ոք չի արձագանքել, չնայած պետությունը 21 տոկոսից ավելիի սեփականատերն է: