Ադրբեջանը, Վրաստանը և Ղազախստանը Միջին միջանցքով փոխադրումների համար ներդնում են միասնական սակագին, հայտարարել է Ադրբեջանի վարչապետ Ալի Ասադովը Թբիլիսիում կայացած «Մետաքսի ճանապարհ» համաժողովի ընթացքում:
«Միջազգային գործընկերների հետ միասին մենք մշակում ենք միասնական սակագնային քաղաքականություն, պարզեցնում ենք մաքսային և սահմանային ընթացակարգերը, ինչպես նաև խթանում ենք բազմամոդալ տրանսպորտի զարգացումը։ Սա հաստատվում է Ադրբեջանի, Վրաստանի և Ղազախստանի երկաթուղային օպերատորների միջև Միջին միջանցքի երկայնքով միասնական երկարաժամկետ սակագին ներդնելու վերաբերյալ համաձայնագրով», — ասել է Ասադովը։
Ադրբեջանի վարչապետը նշել է, որ «Միջին միջանցքն» արդեն ապացուցել է իրեն որպես Չինաստանը և Կենտրոնական Ասիայի երկրները Եվրոպայի հետ կապող հուսալի տրանսպորտային երթուղի։
