ԱՄՆ-ն կարող է հարվածել Իրանին 24 ժամվա ընթացքում, հաղորդում է Reuters-ը՝ հղում անելով երկու եվրոպացի պաշտոնյաների։
Աղբյուրներից մեկը պարզապես ենթադրել է ամերիկյան հարձակման մասին, մինչդեռ երկրորդը նշել է, որ հարվածները կարող են տեղի ունենալ 24 ժամվա ընթացքում։ Իսրայելցի պաշտոնյայի խոսքով՝ ԱՄՆ նախագահ Դոնալդ Թրամփն իսկապես որոշել է միջամտել, չնայած մասշտաբները և ժամկետները դեռևս անհայտ են։
Հունվարի 14-ին գործակալությունը հաղորդել է, որ ԱՄՆ-ն որոշ անձնակազմի դուրս է բերում Մերձավոր Արևելքում գտնվող իր հիմնական ռազմական բազաներից՝ տարածաշրջանում լարվածության ֆոնին։ Ավելի վաղ Reuters-ը՝ հղում անելով իրանական աղբյուրին, հաղորդել էր, որ Թեհրանը զգուշացրել է իր մերձավորարևելյան դաշնակիցներին ԱՄՆ բազաների դեմ պատասխան հարվածների մասին՝ Իրանի վրա ԱՄՆ հարձակման դեպքում։
