Իրանի նախագահ Մասուդ Փեզեշքիանը Իսլամական հեղափոխության հաղթանակի 46-րդ տարեդարձին նվիրված տոնակատարությունների ժամանակ խոսել է Իրանի հետ բանակցություններ սկսելու՝ ԱՄՆ առաջնորդ Դոնալդ Թրամփի ցանկության մասին:
«Թրամփն անընդհատ ասում է, թե պատրաստ է բանակցել Իրանի հետ, միաժամանակ ստորագրում է հակաիրանական դավադրություններով նոր հրամանագրեր: ԱՄՆ-ն կարող է միայն երազել, որ ծնկի կբերի Իրանին»,- հայտարարել է Իրանի նախագահը:
Այդ հարցով հայտարարություն է արել նաև Իրանի առաջին փոխնախագահ Մոհամմադ Ռեզա Արեֆը։ Նա ասել է, որ Միացյալ Նահանգների հետ նոր համաձայնագրի կնքումը չի բխի Իրանի ազգային շահերից:
«ԱՄՆ-ի հետ գործարքը պետք է շահավետ լինի երկու կողմի համար, և այսօր մենք չենք կարծում, որ այն կհամապատասխանի մեր շահերին»,- ասել է փոխնախագահ Մոհամմադ Ռեզա Արեֆը՝ Իսլամական հեղափոխության հաղթանակի 46-րդ տարեդարձին նվիրված տոնական միջոցառման ժամանակ իր ելույթում։
