Նախագահ Դոնալդ Թրամփը հայտարարել է, որ Միացյալ Նահանգները կարող է ավելի վատթարացնել իրավիճակը Իրանի համար ԱՄՆ-Իրան շարունակվող հակամարտության մեջ։
«Այս պահին նրանք (Իրանը – խմբ.) կորցրել են իրենց նավատորմը, կորցրել են իրենց օդուժը։ Նրանք ընդհանրապես չունեն օդային պաշտպանություն։ Նրանք չունեն ռադար։ Նրանց առաջնորդները գնացել են, և մենք կարող ենք շատ ավելի վատ բան անել», — Սպիտակ տան դիմաց լրագրողներին ասել է Թրամփը։
Նա նաև նշել է, որ ԱՄՆ-ն դեռևս անձեռնմխելի է թողնում որոշ օբյեկտներ, չնայած, ըստ նրա, կարող էր դրանք ոչնչացնել արդեն մեկ ժամվա ընթացքում, և այդ ժամանակ Իրանը, իբր, երբեք չէր կարողանա վերականգնել երկիրը:
Իրանը հարվածում է ԱՄՆ ռազմական թիրախներին Մերձավոր Արևելքում և Իսրայելի տարածքում՝ ի պատասխան Միացյալ Նահանգների և Իսրայելի հարձակումների։ Հակամարտության առաջին օրը՝ փետրվարի 28-ին, հարված է հասցվել հարավային Իրանի աղջիկների դպրոցին, և սպանվել է նաև գերագույն առաջնորդ այաթոլլա Ալի Խամենեին։ Հարձակման հետևանքով զոհերի ընդհանուր թիվը, ըստ ՄԱԿ-ում Իրանի մշտական ներկայացուցիչ Ամիր Սաիդ Իրավանիի, արդեն գերազանցել է 1300-ը։
