Իրանում ԱՄՆ դեսպանատունը կոչ է արել քաղաքացիներին անհապաղ լքել երկիրը։
«ԱՄՆ քաղաքացիները պետք է անհապաղ լքեն Իրանը։ Եթե անվտանգ է, դիտարկեք Իրանից ցամաքային ճանապարհով Թուրքիա կամ Հայաստան մեկնելու հնարավորությունը», — ասվում է դեսպանատան կայքում հրապարակված հայտարարության մեջ։
Հայտարարության մեջ ընդգծվում է, որ բողոքի ցույցերը կարող են վերաճել բռնության և հանգեցնել ձերբակալությունների ու վնասվածքների։ Երկրում ուժեղացվում են անվտանգության միջոցները, փակվում են ճանապարհներ, առաջանում են տրանսպորտի և ինտերնետի աշխատանքի խափանումներ։ Կապը նույնպես սահմանափակվում է, իսկ ավիաընկերությունները չեղարկում կամ կրճատում են թռիչքները։
