Որպեսզի նախագահի փախչելուց հետո նախագահի տեղը թափուր չմնար, Շահրամանյանը ստանձնել է նախագահի լիազորությունները, լրագրողների հետ զրույցում հայտարարեց «Հայաստան» խմբակցության պատգամավոր Արմեն Ռուստամյանը։
«Արայիկ Հարությունյանն իր պաշտոնից փախավ։ Պարզ խոսքով ասած՝ «դրոշը գցել էր փողոցում, դրոշը վերցնող էր պետք։ Այդ մարդիկ դրոշը վերցրել են։ Հիմա այդ մարդկանց մեղադրում են, որ անտեր չեն թողել։ Անիշխանությունը շատ ավելի վատ էր լինելու։ Հուսահատ, հուսախաբ վիճակ էր։ Այդ պաշտոնը վայելելու՞ համար է վերցրել, բոլորն էլ գիտեին, որ մեծ պատասխանատվության տակ է մտնում։ Այդ պատասխանատվությունից են փախել։ Ոչ ոք Արայիկ Հարությունյանին չի ասել՝ հրաժարական տուր, եթե ընտրվել էր, պետք է մինչև վերջ մնար։ Շատ ավելի լավ կլիներ, որ շուտ տար հրաժարականը»,-ասաց նա։
Պատգամավորը պնդեց, որ Արայիկ Հարությունյանի վրա ոչ մի ճնշում չի եղել.«Արայիկ Հարությունյանը ճնշվել է այն պատասխանատվությունից, որը եղել է այդ պահին»։
