ԶՊՄԿ-ն պաշտոնական հայտարարություն է տարածել, որում մասնավորապես ասվում է, որ ընդհանուր աշխատավարձային ֆոնդը կավելանա միջինը 20%-ով:
«Աշխատավարձերի վերանայման համակարգի մշակման աշխատանքները սկսվել են դեռևս 2024 թվականի սեպտեմբերին։ Այս համակարգը ներառում է աշխատանքային ստաժի, որակավորման, դասակարգման ու սակագնային դրույքների բարձրացման հաշվառում։ Արդեն մեկնարկած գործընթացի արդյունքում ընդհանուր աշխատավարձային ֆոնդը կավելանա միջինը 20%-ով։ Ղեկավարությունը նոր աշխատավարձային համակարգը հիմնական արտադրամասերում կկիրառի արտադրության վերականգնումից մեկ ամսվա ընթացքում»,-ասված է հայտարարության մեջ:
Հիշեցնենք, որ հունվարի 31-ից Զանգեզուրի պղնձամոլիբդենային կոմբինատում գործադուլ է, աշխատակիցները պահանջում են բարձրացնել աշխատավարձը։
