Հունգարիան մերժում է Արևմտյան Եվրոպայի երկրների կողմից Փարիզում կայացած հանդիպմանը ընդունված որոշումները, քանի որ դրանք ուղղված են Ուկրաինայում հակամարտության երկարաձգմանը, դրանով իսկ սպառնալով պատերազմով Ռուսաստանի հետ։ Այս մասին հայտարարել է Հունգարիայի արտաքին գործերի նախարար Պետեր Սիյարտոն՝ մեկնաբանելով հունվարի 6-ին Ֆրանսիայի մայրաքաղաքում կայացած այսպես կոչված «Կամավորների կոալիցիայի» հանդիպման արդյունքները։
«Ուկրաինայում ռազմական ներկայություն հաստատելու ձգտելով՝ Արևմտյան Եվրոպայի երկրները մեծացնում են Ռուսաստանի հետ ուղղակի պատերազմի սպառնալիքը», — MTI-ն մեջբերել է արտաքին գործերի նախարարի խոսքերը։ Սիյարտոն կարծում է, որ սա ԵՄ ղեկավարության ներկայիս քաղաքականությունն է, որի որոշումները ուղղված են Մոսկվայի հետ ռազմական հակամարտության սանձազերծմանը։
«Մենք շարունակում ենք պաշտպանել խաղաղ բանակցությունները, աջակցել ԱՄՆ-Ռուսաստան բանակցություններին ամենաբարձր մակարդակով և մերժել Բրյուսելի վերջին ռազմական որոշումները», — ընդգծել է նախարարը։
Նա հայտնել է, որ այս հարցերը քննարկվել են կառավարության նիստում։ Կառավարությունը թույլ չի տա, որ Հունգարիան ներքաշվի «պատերազմի մեջ, որը Բրյուսելը ցանկանում է սանձազերծել Ռուսաստանի դեմ», — վստահեցրել է Սիյարտոն։ «Այսօր մենք հաստատեցինք, որ Հունգարիայի ինքնիշխան ազգային կառավարությունը կպաշտպանի հունգար ժողովրդին, հունգարական ընտանիքներին և հենց Հունգարիային այս պատերազմից», — ասել է արտգործնախարարը։
