4 ժամ շարունակ Ավան և Նոր Նորք վարչական շրջանների ընդհանուր իրավասության դատարանը, նախագահությամբ դատավոր Մասիս Մելքոնյանի, քննում էր Սրբազան պայքարի առաջնորդ Բագրատ արքեպիսկոպոս Գալստանյանի կալանքի միջնորդությունը։
Դատավոր Մասիս Մելքոնյանը որոշեց բավարարել Բագրատ Սրբազանին կալանքի տանելու միջնորդությունը, նրա նկատմամբ կիրառեց 2 ամիս ժամկետով կալանք։ Այդ որոշումը Բագրատ Սրբազանի պաշտպանական թիմը բողոքարկելու է։
Հիշեցնենք՝ Բագրատ Սրբազանին Քննչական կոմիտեն «ահաբեկչություն կատարելու և իշխանությունը զավթելու» մեղադրանք է առաջադրել, նրան և Սբազան պայքարի մի շարք մասնակիցների, ինչպես նաև քաղաքական գործիչների ու հոգևորականների ձերբակալել են, կալանքի միջնորդություններ են ներկայացվել դատարաններ, շատերի նկատմամբ արդեն իսկ կիրառվել է խափանման նշված միջոցը։
Ձերբակալվածներն ու կալանավորվածներն իրենց առաջադրված մեղադրանքները չեն ընդունում, իրավապաշտպանները, փաստաբանները շեշտում են՝ տեղի ունեցողը քաղաքական հետապնդում է։
Իշխանության ներկայացուցիչներն էլ, դեռ դատարանի վճիռները չհրապարկված, տարատեսակ գրառումներ էին անում՝ վիրավորական որակումներ տալով ձերբակալված ընդդիմադիրներին, շատ դեպքերում այդ գրառումները դատապարտվեցին, որակվեցին նաև որպես իրավապահ մարմիններին ակնհայտորեն ուղղորդող։
Նշենք նաև, որ «Սրբազան պաայքարը» օրվա ընթացքում բազմիցս հանդես է եկել հայտարարություններով՝ ընդգծելով՝ չեն ընճվում, պայքարը շարունակելու են։
