Ամերիկյան նավթային ընկերությունները կարող են լինել Մերձավոր Արևելքում իրավիճակի սրման հետևանքով առաջացած համաշխարհային էներգետիկ ճգնաժամի հիմնական շահառուներից մեկը՝ տարվա վերջին վաստակելով ավելի քան 63 միլիարդ դոլար։ Այս մասին գրում Է Financial Times-ը՝ վկայակոչելով Rystad հետազոտական ընկերության հաշվարկները։
Ըստ ընկերության՝ եթե նավթի գները մինչև 2026 թվականի վերջը մնան միջինը 100 դոլար մեկ բարելի համար, ԱՄՆ նավթ արտադրողները տարեկան ընդհանուր առմամբ կստանան 63,4 միլիարդ դոլարի եկամուտ։ Միայն մարտ ամսին նրանց լրացուցիչ շահույթը կարող է հասնել 5 միլիարդ դոլարի։
The Wall Street Journal-ը հավելում է, որ Մերձավոր Արևելքի հակամարտությունից կշահեն նաև նավթարդյունաբերության ամենամեծ հզորություն ունեցող ԱՄՆ նահանգները՝ Տեխասը, Նյու Մեքսիկոն և Ալյասկան:
Միևնույն ժամանակ, երկրի մնացած մասի բնակիչները շուտով կզգան Մերձավոր Արևելքի ճգնաժամի բացասական հետևանքները, այդ թվում՝ վառելիքի և շատ այլ ապրանքների ու ծառայությունների բարձր գները։ Այնուամենայնիվ, WSJ-ն կարծում է, որ այս բացասական զարգացումը չի ազդի ամերիկյան տնտեսության վրա ընդհանուր առմամբ, քանի որ աշխարհի խոշորագույն նավթարտադրողներից մեկը ԱՄՆ-ին ապահովում է հզոր ֆինանսական բարձիկով։
Ամերիկյան և իսրայելական հարվածներից հետո Իրանը փակեց Հորմուզի նեղուցը՝ թույլ չտալով նավթատարներին անցնել այդ նեղուցով։ Արդյունքում նավթամթերքի մատակարարման խափանումները Արևմտյան երկրներին ստիպեցին զգուշացնել պարենային ճգնաժամի մասին։