Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանը հերքում է լուրերն այն մասին, թե եպիսկոպոսաց դասից ոմանք ՔՊ-ականնեի հետ շփումների մեջ են։
«Նման բան գոյություն չունի, հարյուր տոկոսով կարող եմ հերքել»,- լրագրողներին ասաց Հովնան Սրբազանը։
Սրբազան Հայրը ցնորամտություն է համարում Նիկոլ Փաշինյանի հայտարարությունը, թե Վեհարանը պետք է ազատել Վեհափառ Հայրապետից։
«Վեհարանի վրա ոչ մեկ չի կարող հարձակվել, Վեհարանը կեցավայր է, որևիցե մեկն իրավունք չունի այնտեղ մուտք գործելու»,- նշեց Գուգարաց թեմի առաջնորդը։
Սրբազան Հայրը պնդեց՝ բացառվում է, որ Ամենայն հայոց կաթողիկոսը քաղաքական հետապնդումների ֆոնին հեռանա։
«Բացառվում է, մտքներիցդ հանեք»,- ասաց Գերաշնորհ Տեր Հովնան եպիսկոպոս Հակոբյանը:
