Բելառուսի պետական սահմանի երկայնքով բոլոր հատվածներում նկատվում է Ուկրաինայի Անվտանգության ծառայության և հատուկ գործողությունների ստորաբաժանումների ակտիվ գործունեություն: Այդ մասին հայտարարել է Բելառուսի պաշտպանության նախարար Վիկտոր Խրենինը՝ նախագահ Ալեքսանդր Լուկաշենկոյի հետ հանդիպմանը։
«Ուկրաինական կողմից շարունակաբար հետախուզություն է իրականացվում, ակտիվորեն օգտագործվում են անօդաչու թռչող սարքեր, կան Բելառուսի օդային տարածքը խախտելու փորձեր:
Սահմանամերձ շրջաններում ուկրաինական զինված կազմավորումների ներկայության պայմաններում պահպանվում է մեր տարածքում զինված սադրանքների նախապատրաստման և անցկացման, ինչպես նաև գործողությունների մեծ հավանականությունը, այդ թվում՝ բելառուսական ազգայնական կազմավորումների ներգրավմամբ»,- ասել է պաշտոնյան։
