Բուլղարիայի նախագահ Ռումեն Ռադևը հրաժարական կտա ուրբաթ օրը՝ ժամը 17:00-ին, հաղորդում է Բուլղարիայի ազգային ռադիոն (BNR)՝ հղում անելով նախագահի մամուլի ծառայության հայտարարությանը։
Երկուշաբթի օրը Ռադևը հայտարարեց իր հրաժարականի մասին՝ Ազգային ժողովի արտահերթ ընտրություններին մասնակցելու համար։ Հաջորդ օրը նա համապատասխան դիմում ներկայացրեց Սահմանադրական դատարան (ՍԴ)։
Փոխնախագահ Իլիանա Յոտովան, որը ՍԴ որոշումից հետո կստանձնի նախագահի պաշտոնը, Ռադևին ուղեկցեց մինչև գլխավոր մուտքը։
Նախկինում հաղորդվել էր, որ ՍԴ-ն ուրբաթ օրը՝ ժամը 11:00-ին, Ռադևի հրաժարականի վերաբերյալ լսումներ կանցկացնի։ Օրենքի համաձայն, նման դեպքերում սահմանադրական դատավորները պետք է հաստատեն նախագահի կամքի իսկությունը։
Ռադևի հրաժարականի հաստատումից հետո պետության ղեկավարի լիազորությունները անմիջապես կանցնեն փոխնախագահ Իլիանա Յոտովային, որը կերդվի Ազգային ժողովի առջև։ Այնուհետև նա կձեռնարկի ժամանակավոր կառավարության ձևավորման և արտահերթ խորհրդարանական ընտրությունների նշանակման աշխատանքները։
