Ֆրանսիայի Ազգային ժողովի (խորհրդարանի ստորին պալատի) ընդդիմադիր կուսակցությունները կառավարությանը անվստահության հարց կներկայացնեն, եթե վարչապետ Սեբաստիան Լեկորնյուն ընդունի 2026 թվականի բյուջեի մասին օրենքը՝ առանց խորհրդարանում քվեարկության։
«Ակնհայտ է, որ «Ազգային միաբանություն» խմբակցությունը անվստահության հարց կներկայացնի», — X-ում գրել է աջակողմյան կուսակցության խորհրդարանական խմբակցության ղեկավար Մարին Լը Պենը։
Միևնույն ժամանակ, ձախակողմյան «Անհնազանդ Ֆրանսիա» կուսակցության խորհրդարանական խմբակցության ղեկավար Մաթիլդ Պանոն նույնպես հայտարարել է, որ իր կուսակցությունը դեմ է կառավարության բյուջեին։ «Լեկորնյուն պնդում է 49-րդ հոդվածի 3-րդ բաժնի կիրառման վրա՝ իր աղետալի բյուջեն պարտադրելու համար», — գրել է նա իր X սոցիալական ցանցի էջում։ «Մենք կառավարությանը անվստահության հարց կներկայացնենք»։
Ավելի վաղ Լեկորնյուն հայտարարել էր, որ մտադիր է հայտարարել Ֆրանսիայի 2026 թվականի պետբյուջեի մասին օրենքի ընդունումը կառավարության պատասխանատվության ներքո ՝ առանց խորհրդարանում քվեարկության երկրի Սահմանադրության 49-րդ հոդվածի 3-րդ մասի համաձայն:
