Մեծ Բրիտանիայի թագավոր Չարլզ Երրորդին հինգշաբթի կարճ ժամանակով տեղափոխել են հիվանդանոց, հայտնել են Բուքինգհեմյան պալատից, փոխանցում է interfax-ը։
Հաղորդվում է, որ հոսպիտալացումը պայմանավորված է քաղցկեղի բուժման «ժամանակավոր կողմնակի ազդեցություններով»:
«Նորին մեծությունը այժմ վերադարձել է Քլարենս Հաուս», — հավելել է պալատը։
Նրա մասնակցությամբ հինգշաբթի և ուրբաթ նախատեսված միջոցառումները չեղարկվել են բժիշկների խորհրդով։
76-ամյա Չառլզ Երրորդը այս տարի շարունակում է քաղցկեղի բուժումը և ունի հանրային աշխատանքների զբաղված գրաֆիկ:
2024 թվականի փետրվարին Մեծ Բրիտանիայի թագավորի մոտ քաղցկեղ է ախտորոշվել, որից հետո նա սկսել է բուժումը և դադարեցրել պետական պարտականությունները, որին վերադարձել է ապրիլին։