ԱՄՆ նախագահ Դոնալդ Թրամփը պահանջել է, որ ՆԱՏՕ-ն անհապաղ դուրս բերի դանիական զորքերը Գրենլանդիայից։ Նա TruthSocial սոցիալական ցանցում գրել է, որ միայն ԱՄՆ-ն կարող է լուծել Ռուսաստանի և Չինաստանի կողմից ենթադրաբար այնտեղ ներկայացվող «սպառնալիքը», մինչդեռ Դանիան կղզում ունի միայն երկու շան սահնակ։
«ՆԱՏՕ. Ասա Դանիային, որ անմիջապես դուրս գա այստեղից։ Երկու շան սահնակը բավարար չէ։ Միայն ԱՄՆ-ն կարող է հաղթահարել դա!!!», — գրել է ԱՄՆ նախագահը։
Թրամփը սոցցանցերում արձագանքել է Just the News պարբերականի հրապարակմանը, որում մեջբերվում է դանիական ռազմական հետախուզության ծառայության զեկույցը:
«Հետախուզության կանխատեսում 2025» զեկույցը պնդում է, որ Չինաստանը, իբր, պատրաստվում է Արկտիկայում ռազմական ներկայության, և Ռուսաստանն օգտագործում է բոլոր հասանելի միջոցները Գրենլանդիայի, Իսլանդիայի և Մեծ Բրիտանիայի միջև ջրերը վերահսկելու համար ՝ նախապատրաստվելով «ՆԱՏՕ-ի հետ հնարավոր առճակատման»: Նշվում է նաև, որ ռուսական սուզանավերը, նավերն ու ինքնաթիռներն իբր հայտնվում են Գրենլանդիայի ափերի մոտ:
