Ձերբակալվել են «Հայրենիք» կուսակցության ներկայացուցիչներ Խաչիկ Գալստյանը և Արամ Քոչարյանը

Ձերբակալվել է Վաղարշապատում «Հայրենիք» կուսակցության պատասխանատու, Վաղարշապատի ավագանու ընտրությունների համամասնական ցուցակի 2-րդ համարում ներկայացված Արամ Քոչարյանը: Այս մասին հայտնել է «Հայրենիք» կուսակցության մամուլի պատասխանատու Հռիփսիմե Առաքելյանը։

Հակակոռուպցիոն կոմիտեի քննիչները ձերբակալել են նաև «Հայրենիք» կուսակցության քարտուղար Խաչիկ Գալստյանին։ Այս մասին գրել է փաստաբան Սոս Հակոբյանը։

«Անկասկած է, որ Խաչիկ Գալստյանի նկատմամբ իրականացվում է քաղաքական հետապնդում… ռեժիմի բոլոր այլախոհներին պատժելու և վարկաբեկելու սցենարի շրջանակներում

Վերջինիս հետ կապված կալանքի քննության մասին տվյալները կհրապարակենք տեղեկացվելուն պես»,- գրել է նա։