«Ձեզ հաջողվել է եղբորը եղբոր դեմ դուրս բերել, պարտվել, երկիր, հայրենիք կորցնել». Տեր Փառենը՝ ՔՊ-ականներին

Մարմաշենի Հովվության հոգևոր հովիվ Տեր Փառեն քահանա Պետրոսյանը թվարկել է, թե ինչ է հաջողվել այս իշխանությանն իրականացնել Հայաստանում։

«Ձեզ հաջողվել է…

… հայհոյանքը բերել մարդկանց կյանք
… խնջույքը վերածել վեճի
… եղբորը եղբոր դեմ դուրս բերել
… սուտը փաթեթավորել և հրամցնել
… պարտվել
… երկիր կորցնել, հայրենիք կորցնել
… բարերար, հոգևորական, հայրենասեր և հայրենանվեր մարդկանց ձերբակալել
… հարձակվել Մայր Աթոռի վրա
… Աստծո անունը զուր տեղը տալ և թույլ տալ, որ մարդիկ այդկերպ վարվեն
… բազմաթիվ եկեղեցիներ, վանքեր, մատուռներ կորցնել և թույլ տալ, որ անարգվեն մեր սրբությունները
… այնպես անել, որ մայրը չկարողանա այցելել իր զավակի շիրիմին. փոխարենը մայրերը Խաչքարի առջևը դրված ծաղկամանով և խնկամանով են փորձում սփոփվել, որ այդպես էլ չեն սփոփվում
… արժանապատիվ հոգևորականին, բժշկին, գիտնականին, զինվորականին, մարզիկին նեղացնել և փորձել արժեզրկել
… հարյուրավոր գերիներ ունենալ և հեռվից նայել, թե ինչպես են թշնամու դատարանում դատում երկրի առաջնորդներին։

Հ. Գ.
Իրականում ձեզ ոչինչ էլ չի հաջողվել։
Ձեզ հաջողվել է ձախողվել»,- նշել է Տեր Փառենը։