Բրիտանական իշխանությունները քննարկում են Էնդրյու Մաունթբաթեն-Վինձորին գահի ժառանգության գծից հեռացնելու մասին օրենսդրական նախաձեռնությունը՝ սեռական շահագործման մեջ ներգրավված Ջեֆրի Էփշթեյնի հետ նրա կապերի պատճառով։ Այս մասին հաղորդել է BBC-ն շաբաթ օրը՝ փետրվարի 21-ին։
Էնդրյուն ներկայումս գահի ժառանգության հերթում ութերորդն է։
BBC-ի փոխանցմամբ՝ նախկին արքայազնին գահի ժառանգության գծից հեռացնելու գաղափարը աջակցել են իշխող Լեյբորիստական կուսակցության և Շոտլանդիայի ազգային կուսակցության անդամները։ Ընդդիմադիր Պահպանողական կուսակցության առաջնորդ Քեմի Բադենոխը հայտարարել է, որ հետաքննության համար «պետք է ժամանակ տրվի»։
Բրիտանական ոստիկանությունը փետրվարի 19-ին ձերբակալել է թագավորի եղբորը։ Էնդրյուն կասկածվում է պաշտոնեական չարաշահումների մեջ։ Հետաքննիչները կարծում են, որ նա տեղեկություններ է փոխանցել պեդոֆիլ Ջեֆրի Էփշթեյնին։
Նույն օրը Մաունթբաթեն-Վինձորը ազատ է արձակվել կալանքից։
Արևմտյան լրատվամիջոցների փոխանցմամբ՝ նախկին արքայազն Էնդրյուի հետ կապված իրավիճակը գրեթե 500 տարվա ընթացքում առաջին դեպքն է, երբ ձերբակալվում է գործող բրիտանական միապետի եղբայրը կամ քույրը։
