Երանի այն պաշտոնյային, որն իր մարդկային որակների հետ անհամատեղելի կհամարի այն, ինչ այսօր անում է իշխանության նեղ խումբը, հրաժարական կտա ու կգնա Մայր Աթոռ՝ օրհնություն ստանալու, գրել է «Այլընտրանքային նախագծեր» խմբի անդամ Վահե Հովհաննիսյանը։
«Երանի այն պաշտոնյային, որն իշխանության նեղ խմբի բառապաշարն իր կրթական ու քաղաքակրթական որակի հետ անհամատեղելի կհամարի ու կտա հրաժարական։
Երանի այն պաշտոնյային, որը որոշում կկայացնի՝ չմտնելու այս կեղտոտ ու անպատվաբեր արշավի մեջ, ու հրաժարական կտա։
Երանի այն պաշտոնյային, որը, տեսնելով որոշ նախարարների անպատվաբեր փորձերը՝ արդարացնելու օգտագործվող բառապաշարն ու հակաեկեղեցական արշավը, կհամարի, որ նման մթնոլորտում ինքն անելիք չունի, ու կտա հրաժարական։
Երանի այն պաշտոնյային, որը չի ուզի իր անունը կապել այս այլանդակ արշավի հետ, ու կտա հրաժարական։
Երանի այն պաշտոնյային, որը կհասկանա, որ հիմա քայլ անելով՝ ամենաուշը մեկ տարի հետո կունենա պատվաբեր աշխատանք, ու դա կանի հանգիստ խղճով։
Երանի այն պաշտոնյային, որը կհասկանա, որ պաշտոնն ու մանդատն էնքան անարժեք բաներ են, որ դրանց համար չարժե կորցնել մարդկային կերպը»։
