Ռուսական կողմը հայկական կողմի հետ պաշտոնական շփումներում բարձրացնում է գործարար Սամվել Կարապետյանի բանտարկության հարցը։ Դեսպանատունը թույլտվություն է ստացել հանդիպելու նրա հետ, «ՌԻԱ Նովոստի»-ին ասել է Ռուսաստանի Արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։
«Երևանում Ռուսաստանի դեսպանության գծով հասել ենք նրան, որ նրա նկատմամբ ապահովվի հյուպատոսական հասանելիություն։ Մեր դիվանագետների վերջին այցելությունը տեղի է ունեցել դեկտեմբերի սկզբին»,- հայտարարել է նա։
«Մենք ստանում ենք Կարապետյանի վիճակի մասին բոլոր անհրաժեշտ տեղեկությունները, այդ թվում՝ նրա փաստաբանների և հարազատների միջոցով։ Նա հայտնում է բավարար առողջական վիճակի մասին և ցուցաբերում է լավատեսություն և մարտական ոգի», — հավելել է նա։
«Մենք հարցը բարձրացնում ենք հանրապետության պաշտոնական ներկայացուցիչների հետ շփումներում։ Մենք ընդգծում ենք, որ Կարապետյանը վեց ամիս է՝ գտնվում է կալանքի տակ՝ առանց դատարանի որոշման», — եզրափակել է դիվանագետը։
