Ռուսական Սու-30 կործանիչը Վայնդլո կղզու մոտակայքում առանց թույլտվության մտել է Էստոնիայի օդային տարածք, հաղորդում է ERR-ը՝ հղում անելով Էստոնիայի պաշտպանության ուժերի գլխավոր շտաբի հայտարարությանը։
Միջադեպը տեղի է ունեցել մարտի 18-ին։ Ենթադրաբար, ինքնաթիռը Էստոնիայի օդային տարածքում մնացել է մոտ մեկ րոպե։ ՆԱՏՕ-ի Բալթյան օդային ոստիկանության առաքելության շրջանակներում Ամարիում տեղակայված իտալական ռազմաօդային ուժերի ստորաբաժանումը արձագանքել է օդային տարածքի խախտմանը՝ հետախուզական թռիչքով։
Արտաքին գործերի նախարարությունը կանչել է Էստոնիայում Ռուսաստանի գործերի ժամանակավոր հավատարմատարին և նրան հանձնել խախտման վերաբերյալ նոտա։
Ռուսաստանը դեռևս չի մեկնաբանել Էստոնիայի հայտարարությունը։
