Եթե այս կիրակի ընտրություններ լինեն, ՔՊ-ն կհավաքի 11.8% ձայն, «Հայաստան»-ը` 4.7%, ԴՕԿ-ը՝ 3.5%: Այս մասին հայտարարել է «Գելափի» հայաստանյան գրասենյակի տնօրեն Արման Նավասարդյանը:
«Եթե առաջիկա կիրակի օրը լինեն խորհրդարանական ընտրություններ, ո՞ր կուսակցության կամ դաշինքի օգտին կքվեարկեիք. 11.8%-ը նշել են «Քաղաքացիական պայմանագիր» կուսակցությունը: Ես եթե համեմատեմ մեկ ամիս առաջվա մեր ցուցանիշների հետ, գրեթե նույնն է մնացել, ուղղակի 0.5%-ով աճ է գրանցվել, բայց դա շատ չնչին փոփոխություն է։ 4.7%-ը նշել է «Հայաստան» դաշինքը, այստեղ ևս փոփոխություն ունենք, սակայն բացասական՝ -1.8% է գրանցվել։ Ամենամեծ բացասական փոփոխությունը գրանցվել է ԴՕԿ կուսակցությունը, 3.5% է գրանցել և ունի -3.3% ցուցանիշի նվազում, բայց սա բացատրելի է, մենք գիտենք, որ վերջին կարծեմ երեք շաբաթը, ԴՕԿ կուսակցության ղեկավարը Վարդան Ղուկասյանը ձերբակալված է և այդ եթերները և այդ կոմունիկացիան բացակայում է»,-ասել է նա:
Նավասարդյանի խոսքով՝ իրենց նախորդ պրեզենտացիայի ժամանակ ԴՕԿ կուսակցությունը հունվար ամսին գրանցել էր երկրորդ տեղը, և առաջ էր անցել Հայաստան դաշինքից, բայց հիմա նորից վերադարձել է երրորդ տեղը: Չորրորդ տեղում Բարգավաճ Հայաստան կուսակցությունը 2.7%-ով, այստեղ ևս շատ չնչին՝ 0.3%-ով աճ կա։
«Պատիվ ունեմ» դաշինքը գրանցել է 2.1% ևս գրանցել մի փոքր բացասական ցուցանիշ՝ 0.2%: Ամենամեծ բացասական փոփոխությունը կրել է «Հանրապետություն» կուսակցությունը, գրանցել է միայն 0.7% և նախորդ մեր հարցման ժամանակ նրանք գրանցել են 1.8%, ունեն մինուս մեկ 1%՝ իրենց 1.8%-ից։ «Ազգային ժողովրդավարական բևեռը» գրանցել է 0.7%, ՀՅԴ-ն՝ 0.3%, Հայ ազգային կոնգրես կուսակցությունը 0.2%, Լուսավոր Հայաստան կուսակցությունը 0.1%, այլ կուսակցություններ ընդհնուր գրանցել են 1,9%, ոչ մեկին՝ նշել է 6,2%-ը, կփչացնեմ քվեաթերթիկը նշել է 4,7%-ը, դժվարացել են այս հարցին պատասխանել 4%-ը և չեմ մասնակցելու ընտրություններին՝ 32,1%-ը»,-ասաց Նավասարդյանը:
Նշենք, որ անցկացվել են հեռախոսային հարցումներ, հարցվողների քանակը 1,100 մարդ է եղել, հետազոտության անցկացման ժամանակահատվածը եղել է փետրվարի 27-ից մարտի վեցը:
Հիշեցնենք, որ նախորդ հարցման ժամանակ ՔՊ-ն հավաքել էր 11% ձայն, ԴՕԿ-ը՝ 6,8% ձայն, «Հայաստան»-ը՝ 6,5% ձայն:
