Ֆիլիպիններում 51-ամյա ֆուդ-բլոգերը մահացել է այն բանից հետո, երբ սոցցանցերի համար հոլովակ նկարահանելիս թունավոր «սատանա-խեցգետիններ» է կերել: Այս մասին հայտնել է տեղական Interaksyon լրատվական պորտալը։
Պարբերականի տվյալներով ՝ կինը ծովամթերք է պատրաստել կոկոսի կաթով լի մեծ կաթսայում եւ ախորժակով ճաշատեսակներ փորձել տեսախցիկի առջեւ։ Ենթադրվում է, որ մահվան պատճառ է դարձել տարածաշրջանում բնակվող խեցգետնակերպերում պարունակվող տոքսինների մեծ չափաբաժնի ներթափանցումը օրգանիզմ:
Նկարահանման հաջորդ օրը բլոգերի ինքնազգացողությունը վատացել է։ Նրա մոտ նոպաներ են սկսվել, որից հետո նրան տեղափոխել են բժշկական կենտրոն։ Ավելի ուշ վիճակը կտրուկ վատացել է։ Նրա շուրթերը կապտել են, և նա շուտով կորցրել է գիտակցությունը։ Չնայած բժշկական միջամտությանը՝ նա մահացել է տեսանյութը նկարահանելուց երկու օր անց։
Մեկ տարի առաջ երկրի ափամերձ նահանգում նմանատիպ դեպք էր տեղի ունեցել 54-ամյա ձկնորսի հետ, որը մահացու վտանգավոր խեցգետին էր կերել: Տեղի իշխանությունները հետաքննություն են անցկացրել և բնակիչներին կոչ արել զերծ մնալ անծանոթ ծովամթերք օգտագործելուց: