Դեսպանը փորձում է Փաշինյանի վրայից մաքրել Արցախի հանձնողի պիտակը և արդարացնել իր նախագահի միջնորդական գործունեությունը: Այս մասին լրագրողների հետ զրույցում ասաց ԱԺ նախկին փոխնախագահ Էդուարդ Շարմազանովը:
«Արցախի ինքնորոշման իրավունքը ճանաչված է եղել և առ այսօր ճանաչված է Մինսկի խմբի համանախագահների կողմից։ Եթե 1991-ի Ալմա Աթայի հռչակագրով Ղարաբաղը ճանաչված էր Ադրբեջանի կազմում, Ֆրանսիայի նախագահներ Սարկոզին և Օլանդը 2009 և 2015 թվականներին 5 հայտարարություն ինչի՞ մասին էին անում»,-դեսպանին հարցնում է Շարմազանովը։
Նշենք, որ ՀՀ-ում Ֆրանսիայի դեսպան Օլիվիե Դըկոտինյին բացառիկ հարցազրույց է տվել «Ռադիոլուրին» և ասել, որ նրանք, ովքեր պնդում են, թե Լեռնային Ղարաբաղն Ադրբեջանի մաս է ճանաչվել 2022 թվականին Պրահայում, ստում են, որովհետև Լեռնային Ղարաբաղը Հայաստանի կողմից Ադրբեջանի մաս է ճանաչվել Ալմա Աթայի հռչակագրի պահից սկսած։
