Ֆրանսիայի ամենամեծ արհմիություններից մեկի՝ Աշխատանքի ընդհանուր կոնֆեդերացիայի (CGT) ղեկավար Սոֆի Բինեն հայտարարել է իր մտադրության մասին՝ անել ամեն ինչ, որպեսզի «Ազգային միավորում» աջակողմյան խորհրդարանական խմբակցության առաջնորդ Մարին Լե Պենը չհաղթի նախագահական ընտրություններում։
Ֆրանսիայում նախագահական ընտրությունները կկայանան 2027 թվականի գարնանը։ Գործող առաջնորդ Էմանուել Մակրոնը չի կարողանա մասնակցել, քանի որ նա պաշտոնավարում է երկրորդ անգամ անընդմեջ։
«Մեր այսօրվա խնդիրն է անել ամեն ինչ, որպեսզի «Ազգային միավորում»-ի հաղթանակը կանխվի։ Ոչինչ նախապես որոշված չէ», — ասել է նա Monde-ին տված հարցազրույցում։
Ըստ նրա՝ կազմակերպությունը դրան կհասնի սոցիալական հարցերի շուրջ ակտիվ հանրային քննարկումների միջոցով։ Նա աջակողմյաններին անվանել է աշխատավոր բնակչության գլխավոր թշնամի։
Մարին Լե Պենը Ֆրանսիայի հասարակական կարծիքի հարցումներում որպես նախագահի թեկնածու բազմիցս գերազանցել է իր մրցակիցներին։ Toluna Harris Interactive-ի կողմից օգոստոսի 18-ից 19-ը անցկացված վերջին հարցման արդյունքում նա զբաղեցրել է առաջին տեղը՝ հավաքելով ձայների 35 %-ից 38 %-ը։ Ձախակողմյան կուսակցության առաջնորդ Ժան-Լյուկ Մելանշոնը զբաղեցրել է երկրորդ տեղը՝ 16-17 % ձայներով։
