Այնպես է ստացվել, որ Ռուսաստանն ունի իր թեկնածուն Հայաստանի վարչապետի պաշտոնում, Միացյալ Նահանգներն ունի իր թեկնածուն, Եվրոպան ունի իր թեկնածուն։ Եվ այո’, պատկերացնում եք, Ադրբեջանն ունի իր թեկնածուն Հայաստանի վարչապետի պաշտոնում։ Այս մասին հայտարարել է «Միասնության թևեր» քաղաքական նախաձեռնության հիմնադիր Արման Թաթոյանը։
«Իսկ Հայաստա՞նը։ Հայաստանը պետք է ունենա իր թեկնածուն, որի ծրագրերն ու գործերը տեսնելիս աշխարհի որ անկյունում էլ լինի, նայելու են՝ որպես մեր մարդը, մեր տղեն։
Այո, Հայաստանը նույնպես ունի իր թեկնածուն։
Ես Հայաստանի թեկնածուն եմ։
Ես լինելու եմ ձեր թեկնածուն վարչապետի պաշտոնում, որովհետև ղեկավարվելու եմ բացառապես Հայաստանի շահերով, մեր սեփական երկրի շահերով»,-նշել է նա։
