Հարավային Կովկասը շատ կարևոր է Իրանի արտաքին քաղաքականության մեջ. այս մասին Երևանում ասել է Իրանի արտաքին գործերի նախարար Սեյեդ Աբբաս Արաղչին:
«Երեկ երեկոյան պաշտոնական այցով և երկկողմ հարաբերությունների և տարածաշրջանում զարգացումների վերաբերյալ հարևանների հետ շարունակական խորհրդակցությունների շրջանակում ժամանել եմ Երևան։ Հարավկովկասյան տարածաշրջանը շատ կարևոր տեղ ունի Իրանի արտաքին քաղաքականության մեջ»,- ասել է պաշտոնյան:
Նշենք, որ ՀՀ ԱԳՆ-ում մեկնարկել է ՀՀ ԱԳ նախարար Արարատ Միրզոյանի և Իրանի ԱԳ նախարար Սեյեդ Աբբաս Արաղչիի առանձնազրույցը:
