Հայ Առաքելական Սուրբ Եկեղեցին դատական հայց է ներկայացրել Թալինի նախկին հոգևորականի և ևս մեկ անձի դեմ

Հայ առաքելական սուրբ եկեղեցին դատի է տվել Թալինի Սուրբ Աստվածածին եկեղեցու նախկին հոգևորական Արամայիս Թախմազյանին (նախկինում տեր Թադե)։ Այս մասին հայտնում է Sputnik Armenia-ն։

Եկեղեցին պահանջում է Արամայիս Դավիթի Թախմազյանից և Հռիփսիմե Գագիկի Խաչատրյանից վերցնել Թալինում ՀԱՍԵ-ին սեփականության իրավունքով պատկանող բնակարանը՝ վտարելով պատասխանողներին այնտեղից։

Երկրորդ պահանջով ՀԱՍԵ-ն դատարանից խնդրում է Թախմազյանից և Խաչատրյանից հօգուտ եկեղեցու բռնագանձել դատական ծախսերը, այդ թվում՝ նախապես վճարված պետական տուրքի գումարը։